മട്ടന്നൂര്‍: കയ്പമംഗലത്ത് കോയമ്പത്തൂര്‍ സ്വദേശി കൊലപ്പെടുത്തിയ കേസിലെ പ്രതികളില്‍ ഒരാളെ കണ്ണൂര്‍ വിമാനത്താവളത്തില്‍ വെച്ച് അറസ്റ്റ് ചെയ്തു. കണ്ണൂര്‍ അഴീക്കല്‍ സ്വദേശി കെ.സലിം(55) ആണ് അറസ്റ്റിലായത്.
അബുദാബിയിലേക്ക് പോകാനെത്തിയ ഇയാളെ ബുധനാഴ്ച പുലര്‍ച്ചെ എമിഗ്രേഷന്‍ വിഭാഗത്തില്‍ തടഞ്ഞുവെച്ച് കസ്റ്റഡിയിലെടുക്കുകയായിരുന്നു.
കയ്പമംഗലം പോലീസ് പ്രതികള്‍ക്കായി ലുക്ക് ഔട്ട് സര്‍ക്കുലര്‍ പുറപ്പെടുവിച്ചിരുന്നു. കോയമ്പത്തൂര്‍ സ്വദേശിയായ ചാള്‍സ് ബെഞ്ചമിനാണ് കഴിഞ്ഞ ദിവസം കൊല്ലപ്പെട്ടത്. ഇറിഡിയം-റൈസ് പുള്ളര്‍ തട്ടിപ്പിന്റെ പേരില്‍ ഇദ്ദേഹത്തെ മര്‍ദ്ദിച്ച് കൊലപ്പെടുത്തുകയായിരുന്നു. പ്രതിയെ കയ്പമംഗലം പോലീസിന് കൈമാറി.
